Jean-Michel Cina è il nov president da la SRG SSR. El è vegni elegì da la radunanza da delegads extraordinaria dals 1 da fanadur 2016. El suonda per ils 1 da matg 2017 a Viktor Baumeler.
La radunanza generala ha confermà il president Oscar Knapp ed elegì la suprastanza, il president dal cussegl dal public sco era commembras e commembers dal cussegl dal public e dal cussegl regiunal.
Il Cussegl dal public SRG.R ha surdà il Premi schurnalistic SRG.R 2015 ad Astrid Alexandre. Ella è vegnida undrada per la contribuziun «Med Ursina i København» en l'emissiun da profundaziun Marella dal Radio Rumantsch.
Clà Riatsch, professer per la lingua e cultura rumantscha, vegn undrà cun il premi SRG SSR Svizra Rumantscha (SRG.R) 2016. Uschia ha decis la suprastanza SRG.R.